پاکستان میں اس وقت مہنگائی تاریخی کی بلند ترین سطح پر ہے، تاہم اس کے باوجود بجلی مزید مہنگی کرنے کے اقدامات جاری ہیں۔
میڈیا رپورٹ کے مطابق سینٹرل پاور پرچیزنگ ایجنسی (سی پی پی اے) نے نیشنل الیکٹرک پاور ریگولیٹری اتھارٹی (نیپرا) کو فیول ایڈجسٹمنٹ کی مد میں بجلی کی قیمتوں میں اضافے کی تجویز دے دی ہے۔
سی پی پی اے کی جانب سے بجلی ایک روپے17 پیسے فی یونٹ مہنگی کرنےکی درخواست کی گئی ہے۔
سی پی پی اے نے جنوری کی فیول ایڈجسٹمنٹ کی درخواست نیپرا میں جمع کرا دی ہے۔
نیپرا کے مطابق سی پی پی اے کی درخواست پر 28 فروری کو سماعت کی جائےگی۔
نیپرا کا کہنا ہے کہ سی پی پی اے کی درخواست پر فیصلےکا اطلاق کےالیکٹرک صارفین پر نہیں ہوگا۔
واضح رہے کہ بجلی کے نرخوں میں اضافے کا معاملہ ایسے وقت میں سامنے آیا ہے جب وزیر مملکت برائے پیٹرولیم مصدق نے آج ہی ایک پریس کانفرنس میں اس عزم کا اظہار کیا ہے کہ
گیس اور بجلی کی قیمتیں غریب کے لیے کم اور امیر کے لیے زیادہ ہوں گی۔
