وفاقی حکومت نے عید میلاد النبی ﷺ کے موقع پر 29 ستمبر بروز جمعۃ المبارک ملک بھر میں عام تعطیل کا اعلان کردیا ہے۔
کابینہ ڈویژن کی جانب سے جاری نوٹیفیکیشن میں کہا گیا ہے کہ 29 ستمبر 2023ء کو ملک بھر میں تمام اسکول، کالج، سرکاری و نیم سرکاری اور نجی دفاتر بند رہیں گے۔
مزید پڑھیں
ماہ ربیع الاول کے آغاز سے ہی جشن عید میلادالنبی ﷺ منانے کی تیاریاں مذہبی جوش و خروش اور عقیدت و احترام کے ساتھ جاری ہیں، بازاروں کی رونقیں بڑھ گئی ہیں اور لوگ مساجد کے علاوہ اپنی گلیوں اور محلوں کی سجاوٹ کے لیے اشیاء کی خریداری میں مصروف ہیں۔
حکومت کی جانب سے عید میلادالنبیﷺ کے موقع پر سیکیورٹی کے سخت انتظامات کیے جا رہے ہیں۔
