پی ٹی وی اور پا رلیمنٹ حملہ کیس میں چیئرمین تحریک انصاف عمران خان کے خلاف دہشتگردی کی دفعات خارج کر دی گئی ہیں اور مقدمات سیشن کورٹ منتقل کر دیے گئے ہیں۔
میڈیا رپورٹس کے مطابق انسداددہشتگردی عدالت میں عمران خان کیخلاف پی ٹی وی اور پارلیمنٹ حملہ کیس میں دہشتگردی کی دفعات کیخلاف درخواست پر سماعت ہوئی ،عدالت نے عمران خان کیخلاف کیسز میں سے دہشتگردی کی دفعات حذف کردیں ۔
فیصلہ انسداددہشتگردی عدالت کے جج جوادعباس حسن نے سنایا،اے ٹی سی نے دہشتگردی کی دفعات نکال کر کیس سیشن کورٹ کو بھیج دیا۔
یاد رہے کہ 2014 میں پی ٹی آئی کے دھرنے میں پی ٹی وی اور پارلیمنٹ پر حملے کے مقدمات درج کیے گئے تھے، جس میں دہشتگردی کی دفعات بھی شامل کی گئی تھیں۔
