محکمہ موسمیات نے کراچی کے درجہ حرارت میں تیزی کی پیش گوئی کرتے ہوئے کہاکہ آئندہ 2 روز تک موسم شدید گرم اور خشک رہے گا جبکہ درجہ حرارت 38 سے 41 ڈگری تک جانے کا امکان ہے۔
پاکستان میٹرولوجی ڈیپارٹمنٹ نے چند روز قبل پیش گوئی کی تھی کہ آئندہ چند روز کراچی کا درجہ حرارت خطرناک حد تک بڑھ جائے گا۔ شہر کا کم سے کم درجہ حرارت 25.5 ڈگری ریکارڈ کیا گیا ہے، جو کہ درجہ حرارت بڑھنے کے بعد 38 سے 41 ڈگری تک جا سکتا ہے۔
مزید پڑھیں
محکمہ موسمیات کی پیشگوئی کے عین مطابق پاک ویدر نیٹورک کے تحت لگائے گئے موسمی اسٹیشنز پر کراچی شہر کا موجودہ درجہ حرارت 39 سے 40 ڈگری سینٹی گریڈ کے درمیان ہے۔
🛑 پیشگوئی کے عین مطابق پاک ویدر نیٹورک کے تحت لگائے گئے موسمی اسٹیشنز پر اس وقت کراچی شہر کا موجودہ درجہ حرارت 39 سے 40 ڈگری سینٹی گریڈ کے درمیان ہے، ہوا میں نمی کا تناسب 20 سے 25 فیصد کے درمیان ہے،
لوگوں سے احتیاطی تدابیر اختیار کرنے کی درخواست ہے۔
یاد رہے اس سال کراچی شہر کا… pic.twitter.com/9W7tZEUeJ7— PakWeather.com (@Pak_Weather) September 30, 2023
پاک ویدر نیٹ ورک کے مطابق اس وقت شہر کی ہوا میں نمی کا تناسب 20 سے 25 فیصد کے درمیان ہے۔ لوگوں سے احتیاطی تدابیر اختیار کرنے کی درخواست بھی کی گئی ہے۔
محکمہ موسمیات کےمطابق جنوبی علاقوں میں موسم گرم رہنے کا امکان ہے، اور یہ سلسلہ آئندہ 2 سے 4 روز تک جاری رہ سکتا ہے۔
یاد رہے اس سال کراچی شہر کا زیادہ سے زیادہ درجہ حرارت 40.5 ڈگری سینٹی گریڈ 12 جون 2023 کو ریکارڈ کیا جا چکا ہے۔
