نمیرہ سلیم فخر کا شمار پاکستان کے ہیروز میں ہوتا ہے انہوں نے بچپن سے تاروں پر پہنچنے کا خواب دیکھا اور اب قومی پرچم لے کر خلائی مشن پر روانہ ہوں گی۔
نمیرہ سلیم فخر پاکستان کی پہلی خاتون خلا باز ہیں جنہوں نے بچپن سے تاروں پر پہنچنے کا خواب دیکھا اور اپنی انتھک محنت اور لگن سے ان خوابوں کی تعبیر پائی۔
2006 میں نمیرہ سلیم کو سرکاری سطح پر پاکستان کی پہلی خلا باز کے طور پر متعارف کرایا گیا۔
نمیرہ سلیم قطب جنوبی اور قطب شمالی تک پہنچنے والی پہلی پاکستانی ہونے کا اعزاز رکھتی ہیں۔ انہوں نے 2008 میں ماؤنٹ ایورسٹ سے اسکائی ڈائیو بھی کیا اور دنیا کی سب سے بلند ترین چوٹی سے اسکائی ڈائیو کرنے والی پہلی ایشین ہونے کا اعزاز اپنے نام کیا۔
نمیرہ سلیم جلد ہی اپنے پہلے خلائی مشن پر روانہ ہونے والی ہیں جو آج پاکستان سے امریکا پہنچ چکی ہیں اور 5 اکتوبر کو اپنے پہلے خلائی مشن پر روانہ ہوں گی۔
نمیرہ سلیم فخر کا کہنا ہے کہ ’میں بہت شکرگزار ہوں کہ مجھے میرے ملک نے اتنا سپورٹ کیا اور میں بہت فخر سے پاکستان کا جھنڈا خلا میں لے کر جاؤں گی۔‘
پاکستانی کی پہلی آفیشل خلا باز کا کہنا ہے کہ ضروری نہیں خواب بہت بڑے ہوں لیکن ضروری یہ ہے ہم خواب دیکھیں اور انہیں حقیقت بنانے پر یقین رکھیں۔
