جناح پوسٹ گریجویٹ میڈیکل سینٹر کراچی کی تاریخ میں پہلی بار روبوٹک سرجری کا آغاز ہوگیا۔
ترجمان جناح پوسٹ گریجویٹ میڈیکل سینٹر جہانگیر درانی نے بتایا کہ جراحی کے اس جدید ترین طریقہ کار سے 34 سالہ مریض کے پتے میں پتھری کا آپریشن کیا گیا ہے۔
جناح اسپتال کے ترجمان نے بتایا کہ اسپتال کے ایگزیکٹیو ڈائریکٹر پروفیسر شاہد رسول کی سربراہی میں ڈاکٹر صدام اور ڈاکٹر منصب نے 25 منٹ میں کامیاب آپریشن سرانجام دیا۔
ترجمان کا کہنا تھا کہ روبوٹک کے تحت جنرل سرجری کی جاسکتی ہے جبکہ یہ پیٹ کے آپریشن کے لیے کافی آسان اور کم تکلیف دہ عمل ہے جس سے مریض جلد صحت یاب ہوتا ہے۔
