محکمہ تحفظ جنگلی حیات سندھ نے لیاقت آباد کراچی میں ایک کارروائی کے دوران 1124 پرندے برآمد کر لیے۔
ترجمان محکمہ تحفظ جنگلی حیات سندھ کے مطابق برڈ مارکیٹ سے 470 بلبل، 391 چڑیاں، 214 ویورز اور 49 فاختائیں بازیاب کر لیں ۔
ترجمان کے مطابق خفیہ اطلاع تھی کہ پرندوں کو لیاقت آباد پرندہ مارکیٹ منتقل کیا جا رہا ہے۔ محکمہ تحفظ جنگلی حیات سندھ کے انسپیکٹر اعجاز نے بتایا کہ پرندہ مافیا نے کارروائی سے بچنے کے لیے رکشا میں خواتین کو بٹھا رکھا تھا۔
محکمہ تحفظ جنگلی حیات سندھ نے بازیاب کرائے گئے سینکڑوں پرندوں کو ملیر کی کھلی فضا میں آزاد کر دیا ہے۔
