وفاقی وزیر برائے ریلوے خواجہ سعد رفیق نے کہا ہے کہ میری ذاتی رائے ہے کہ سیاسی کارکنوں کی گرفتاریاں نہ کی جائیں۔
لاہور میں میڈیا سے گفتگو کرتے ہوئے وفاقی وزیر برائے ریلوے خواجہ سعد رفیق نے کہا کہ عمران خان اپنی ضمانت کروا رہے ہے اور کارکنوں کو گرفتاری کا کہہ رہے ہیں،اخلاقی طور پر چاہیئے کہ پارٹی رہنما خود کو گرفتاری کی لیے پیش کریں،میری ذاتی رائے ہے کہ سیاسی کارکنوں کی گرفتاریاں نہ کی جائیں۔
خواجہ سعد رفیق نے کہا کہ مجھے نہیں معلوم کہ جیل بھرو تحریک سے متعلق حکومت کی حکمت عملی کیا ہے لیکن میری ذاتی رائے ہے کہ سیاسی کارکنوں کی گرفتاریاں نہ کی جائیں، ان کو گھومنے دیں خود تھک کر گھر چلے جائیں گے۔
انہوں نے مزید کہا کہ مسلم لیگ کے کارکنوں کو جیل بھیجا گیا لیکن ہم نے چیخیں نہیں ماریں، عمران خان کے ساتھ تو ابھی کچھ ہوا ہی نہیں ہے،عمران خان مسلسل جھوٹ بولتے ہیں کسی کو ان پر اعتبار نہیں۔
خواجہ سعد رفیق نے سابق اسپیکر پنجاب اسمبلی پرویز الہی کو تحریک انصاف میں شمولیت اختیار کرنے پر مبارکباد دیتے ہوئے کہا کہ پرویز الہٰی اور عمران خان کو مبارک ایک جیسے اکھٹے ہوگئے ہیں، عمران خان نے اپنے گرے بان میں جھنکا ہے آپ کو شرم حیا نہیں آتی تھی، ہم نے گیارہ سال جیل کاٹی یہ چوتھے دن چیخیں مارنے لگ جاتے ہیں۔
“پرویز الہٰی اور عمران خان کو مبارک ایک جیسے اکھٹے ہوگئے ہیں، عمران خان نے اپنے گرے بان میں جھنکا ہے آپ کو شرم حیا نہیں آتی تھی، ہم نے گیارہ سال جیل کاٹی یہ چوتھے دن چیخیں مارنے لگ جاتے ہیں،” خواجہ سعد رفیق کی میڈیا سے گفتگو#DunyaNews #KhawajSaadRafique pic.twitter.com/B9QbsJvsGu
— Dunya News (@DunyaNews) February 22, 2023
