تربت کیچ کے علاقے سیٹلائیٹ ٹاؤن کے ایک مکان میں فائرنگ سے 6 مزدور جاں بحق اور 2 زخمی ہو گئے۔ نامعلوم مسلح افراد کی فائرنگ جاں بحق افراد کی لاشیں اور زخمیوں کو اسپتال منتقل کر دیا گیا ہے۔
پولیس کے مطابق فائرنگ سے جاں بحق اور زخمی مزدوروں کا تعلق پنجاب سے بتایا جاتا ہے، مزدور تعمیراتی کام کے لیے تربت میں مقامی ٹھیکدار نصیر کے گھر قیام پذیر تھے۔
پولیس نے واقعے کی تفتیش شروع کرتے ہوئے ملزمان کی تلاش شروع کر دی ہے۔ پولیس کا کہنا ہے کہ جاں بحق افراد کی شناخت رضوان، شہباز، وسیم، شفیق احمد، محمد نعیم اور سکندر کے نام سے ہوئی جبکہ فائرنگ سے زخمی افراد میں غلام مصطفیٰ اور توحید شامل ہیں۔
