فیفا فٹ بال ورلڈ کپ 2026 کوالیفائر ہوم لیگ کے لیے کمبوڈین ٹیم پاکستان پہنچ گئی ہے، پاکستان اور کمبوڈیا کے درمیان ہوم لیگ 17 اکتوبر کو جناح اسٹیڈیم اسلام آباد میں کھیلی جائے گی۔
اتوار کو کمبوڈین فٹ بال ٹیم کو سخت سیکیورٹی حصار میں جناح کمپلکس اسلام آباد میں ٹریننگ کے لیے پہنچایا گیا، جہاں کمبوڈین ٹیم نے 17 اکتوبر کو پاکستان اور کمبوڈین فٹ بال ٹیم کے درمیان ہوم لیگ سے قبل تربیتی سیشن میں حصّہ لیا۔
اس موقع پر سیکیورٹی انتظامیہ سمیت پاکستان فٹ بال ٹیم کی انتظامیہ کے اعلیٰ حکام نے بھی شرکت کی، ٹریننگ سیشن مکمل ہونے کے بعد کمبوڈین فٹ بال ٹیم کو واپس ہوٹل لایا گیا۔
