کرکٹ ورلڈکپ میں آسٹریلیا کے ہاتھوں شکست پر قومی ٹیم کے آل راؤنڈر عماد وسیم نے بھی کپتان بابراعظم کو آڑے ہاتھوں لیتے ہوئے شدید تنقید کا نشانہ بنایا ہے۔
گزشتہ رات میچ کے اختتام پر نجی ٹی وی چینل میں بات کرتے ہوئے عماد وسیم نے کہا کہ بابر اعظم نے سال 2019 میں نیوزی لینڈ کے خلاف پاکستان کو میچ جتوایا تھا، اس کے بعد سے وہ کسی بھی ٹیم کے خلاف میچ جتوانے میں ناکام رہے ہیں، یہ تنقید نہیں بلکہ ایک حقیقت ہے۔
Imad Wasim “On the world stage there is pressure but it’s the place where you prove your worth. The last time Babar performed in a big match was against NZ in the 2019 World Cup. But after that he is yet to win a big match for Pakistan. This is not criticism but fact” #CWC23
— Saj Sadiq (@SajSadiqCricket) October 21, 2023
انہوں نے کہا کہ ورلڈ کپ کے دوران مقابلوں میں کھلاڑیوں پر دباؤ ہوتا ہے لیکن یہی وہ جگہ ہوتی ہے جہاں پرفارم کرکے آپ اپنی قابلیت کا ثبوت دیتے ہیں۔ اور بابر اعظم میں صلاحیت بھی موجود ہے کہ وہ بہترین بولرز کے خلاف بھی اچھا کھیل پیش کر سکتے ہیں۔
Imad Wasim “Being number 1 batter in ODIs, it’s Babar’s responsibility to win matches but questions will be asked if he doesn’t do it. He needs to bat in accordance with the team’s requirement. He has the ability to dominate bowlers & this World Cup is the place to do it” #CWC23
— Saj Sadiq (@SajSadiqCricket) October 21, 2023
عماد وسیم نے مزید کہا کہ بابراعظم عالمی رینکنگ میں نمبر ایک بیٹر ہیں، ان کی ذمہ داری تھی کہ وہ وکٹ پر کھڑے ہوکر ٹیم کو فتح دلواتے اور جب وہ ایسا نہیں کرتے تو سوالات تو اٹھیں گے۔
