انسداد دہشتگردی عدالت لاہور نے 9 مئی جلاؤ گھیراؤ کے واقعات میں ملوث ملزمان کے ٹرائل کا آغاز کر دیا، 9 مئی کے پر تشدد واقعات کے نامزد گرفتار ملزمان کو عدالت نے 15 نومبر کو جیل سے طلب کرلیا ہے۔
انسداد دہشتگردی عدالت کی جانب سے 4 مقدمات میں بڑی پیش رفت سامنے آگئی ہے، عدالت نے گرفتار نہ ہونے والے ملزمان سے متعلق پراسکیوٹر کو ہدایات لیکر پیش ہونے کا حکم دے دیا ہے۔
مزید پڑھیں
انسدادِ دہشت گردی عدالت کے جج ارشد جاوید نے مختلف چالانوں پر سماعت کی اور نوٹسز جاری کیے۔
عدالت نے مسلم لیگ ن کا آفس جلانے، گلبرگ میں کینٹینر جلانے کے مقدمات میں طلبی کے نوٹسز جاری کیے ہیں۔
انسداد دہشتگردی عدالت نے اعجاز چوہدری، میاں محمود الرشید سمیت دیگر کی طلبی کا نوٹس جاری کیا ہے۔
واضح رہے پاکستان تحریک انصاف کے رہنما اعجاز چوہدری، میاں محمود الرشید سمیت دیگر رہنما 9 مئی واقعات میں ملوث ہونے کے باعث گرفتار ہیں۔
