آئی سی سی کرکٹ ورلڈ کپ2023 سری لنکا اور بنگلہ دیش کےدرمیان جاری ورلڈ کپ کے 38 ویں میچ میں اس وقت دلچسپ صورتِ حال پیدا ہوئی جب سری لنکا کے بیٹر انجیلو میتھیوز کو امپائر نے کریز پر دیر سے پہنچنے کی وجہ سے’ٹائم آؤٹ‘ قرار دے دیا۔ ورلڈکپ کے میچ میں پہلی بار سری لنکا کے اینجیلو میتھوز بغیر کوئی گیند کھیلے آؤٹ ہوگئے۔
ارون جیٹلی کرکٹ اسٹیڈیم، نئی دہلی میں سری لنکا بمقابلہ بنگلہ دیش کے میچ کے 25 ویں اوور میں شکیب الحسن کی گیند پر سری لنکن بیٹر سدیرا سمارا وکرما آؤٹ ہوئے تو نئے آنے والے بیٹر اینجیلو میتھیوز تھے لیکن وہ مقررہ وقت پہ کریز پر نہ پہنچ سکے جس کی وجہ سے فیلڈ امپائر نے اُنہیں آؤٹ قرار دے دیا۔
#BANvSL “Angelo Mathews”
what is this? pic.twitter.com/JIsQo6cPut— Ankur Jain 🇮🇳 (@aankjain) November 6, 2023
کرکٹ ویب سائٹ ای ایس پی این کرک انفو کی رپورٹ کے مطابق اینجیلو میتھیوز ٹوٹا ہوا ہیلمٹ لے کر میدن میں آگئے تھے جس کے بعد لنکن کرکٹر نے میچ میں فیلڈ امپائر کو قائل کرنے کی کوشش کی مگر انہوں نے اجازت نہیں دی۔
Angelo Mathews wasn’t ready to face his first ball within two minutes 😳 pic.twitter.com/yzx14R3JZH
— ESPNcricinfo (@ESPNcricinfo) November 6, 2023
بین القوامی کرکٹ کی تاریخ میں اینجیلو میتھیوز ’ٹائم آؤٹ‘ ہونے والے دنیا کے پہلے بیٹر بن گئے ہیں۔
ٹائم آؤٹ قانون کیا ہے؟
آئی سی سی قانون کے مطابق بیٹر کے آؤٹ ہونے کے بعد اگلے بیٹر کو 02 منٹ کے اندر کریز پر پہنچ کر اگلی بال کھیلنی ہوتی ہے اور اگر بیٹر مقررہ 02 منٹ میں کریز پر پہنچ کر بال کا سامنا نہیں کرتا تو فیلڈ امپائر اُس بیٹر کو آؤٹ قرار دے سکتے ہیں۔ تاہم ایسا تب ہی ہو سکتا ہے اگر فیلڈنگ ٹیم کا کپتان امپائر سے آؤٹ کے لیے اپیل کرے۔
