پاکستان پیپلزپارٹی (پی پی پی) کے چیئرمین بلاول بھٹو زرداری نے کہا ہے کہ آصف زرداری کا نوازشریف سے رابطہ ان کی وطن واپسی پر ہوا تھا آج نہیں ہوا، ہمارا رابطہ تمام سیاسی جماعتوں کے ساتھ رہےگا۔
کراچی میں میڈیا سے گفتگو کرتے ہوئے انہوں نے کہاکہ 8 فروری پیپلزپارٹی کی جیت کا دن ہو گا، مخالفین اکٹھے ہو کر بھی پیپلزپارٹی کو نہیں ہرا سکتے۔
لائیو: چیئرمین پاکستان پیپلز پارٹی بلاول بھٹو زرداری کراچی میں میڈیا ٹاک کررہے ہیں۔ https://t.co/em2XKql1fm
— Pakistan Peoples Party – PPP (@PPP_Org) November 6, 2023
انہوں نے کہاکہ ضمنی بلدیاتی انتخابات میں عوام نے ثابت کیا کہ وہ پیپلزپارٹی کے ساتھ کھڑے ہیں، کراچی سے کشمور تک عوام تیر کے ساتھ ہیں۔ کل بھٹو شہید کے منشور کی جیت ہوئی ہے۔
بلاول بھٹو نے کہاکہ پیپلزپارٹی اپنے منشور کے مطابق انتخابات میں حصہ لے گی، ہم جیت کر عوام کے مسائل حل کرنے کے لیے بھرپور کوششیں کریں گے۔
چیئرمین پیپلزپارٹی نے کہاکہ ہم جانتے ہیں دہشتگردی کا مقابلہ کیسے کیا جاتا ہے، نیشنل ایکشن پلان پر عملدرآمد کریں گے۔ ہمیں پولیس کو وہ وسائل دینے ہیں جو ان کے مخالف کے پاس ہیں۔
انہوں نے کہاکہ کراچی میں پانی کا مسئلہ حل کرنے کے علاوہ روزگار کے مسائل سے بھی نمٹیں گے۔
