ایک امریکی خاتون نے 118,791 چار پتوں والی شبدر جمع کر کے گینیز ورلڈ ریکارڈ اپنے نام کر لیا۔
ڈبلیو ایم ٹی وی کی رپورٹ کے مطابق امریکی ریاست وسکونسن سے تعلق رکھنے والی گیبریلا جرہارڈٹ نے اپنا کل مجموعہ فِچبرگ پبلک لائبریری میں پیش کیا جہاں ان چار پتوں والی شبدروں کو 21 افراد کی ٹیم نے گنا۔
ٹیم کی گنتی کے بعد چار پتوں والی شبدر کی تعداد 1 لاکھ 18 ہزار 791 تک پہنچ گئی جو 1 لاکھ 11 ہزار 60 کی تعداد کا ریکارڈ توڑنے کے لیے کافی تھی۔
اس ریکارڈ سے قبل گیبریلا جرہارڈٹ آٹھ گھنٹے کے وقت میں سب سے زیادہ(887) شبدر جمع کرنے اور ایک گھنٹے میں سب سے زیادہ (451) شبدر جمع کرنے کا ریکارڈ بھی اپنے نام کر چکی ہیں۔
2010 سے شبدر جمع کرنے والی گیبریلا نے جنوری میں زیادہ تعداد (1440) میں پانچ پتوں والی شبدر اور چھ پتوں (210) والی شبدر کا ریکارڈ توڑنے کے لیے اپلائی کیا تھا۔
