لاہور ہائیکورٹ نے نگراں وزیر اعلی پنجاب محسن نقوی کی تصویر کے ساتھ اشتہاری مہم کے لیے خرچ کی گئی رقم کا ریکارڈ طلب کر لیا۔
لاہور ہائیکورٹ کے جسٹس سلطان تنویر نے فلائی اوورز کی تعمیر پر نگراں وزیر اعلی پنجاب کی تصاویر کے ذریعے تشہیر کے خلاف شہری حافظ اسرارالحق کی درخواست پر سماعت کی۔
دوران سماعت جسٹس سلطان تنویر نے ریمارکس دیے کہ یہ اہم نوعیت کا معاملہ ہے، یہ عوام کے ٹیکس کا پیسہ ہے، جسے ضائع نہیں ہونے دیں گے۔
جسٹس سلطان تنویر نے کہا کہ عوام کے ٹیکس کے پیسوں سے تشہیر کرنے والوں کی جیبوں سے پیسہ نکلوائیں گے۔
جسٹس سلطان تنویر نے کیس کی اگلی سماعت پر ڈائریکٹر ایل ڈٰی اے (لاہور ڈیویلمنٹ اتھارٹی) کو مکمل ریکارڈ کے ساتھ عدالت میں پیش ہونے کا حکم دے دیا ہے۔
