چیف شماریات ڈاکٹر نعیم الظفر نے کہا ہے کہ آج سے ملک بھر میں عمارتوں اور افراد کا شمار کیا جائے گا۔ تمام صوبوں کو اعتماد میں لیا گیا۔ مردم شماری کے ایک ماہ بعد قوم کو اعدادوشمار کے نتائج دیئے جائیں گے۔ اب جیو ٹیگ اور معاشی شماری میں مدد ملے گی اور بہتر منصوبہ بندی ہو سکے گی۔
ڈیجٹل مردم شماری کا افتتاح کرتے ہوئے چیف شماریات ڈاکٹر نعیم الظفر نے کہا کہ آج ملک بھر میں ڈیجیٹل مردم شماری کا آغاز ہو گیا ہے۔ 13جنوری 2022 کومشترکہ مفادات کونسل نے ڈیجیٹل مردم شماری کا فیصلہ دیا تھا۔
آج سے ملک بھر میں عمارتوں اور افراد کا شمار کیا جائے گا۔ مردم شماری کے ایک ماہ بعد قوم کو اعدادوشمار کے نتائج دیئے جائیں گے۔ انھوں نے کہا کہ اب جیو ٹیگ اور معاشی شماری میں مدد ملے گی اور بہتر منصوبہ بندی ہو سکے گی۔
ان کا کہنا تھا ایک لاکھ 26 ہزار افراد پر مشتمل عملہ مردم شماری کرے گا ۔ پالیسی سازی اور منصوبہ بندی کے لیے خانہ و مردم شماری اہم ہے۔ یہ مردم شماری پاکستان کی پہلی ڈیجیٹل مردم شماری ہے۔
چیف شماریات کا کہنا تھا فیلڈ میں گنتی یکم اپریل 2023 کو مکمل ہوگی۔ شمار کنندگان الیکٹرانک ڈیوائسز کے ذریعے ڈیجیٹل طور پر ڈیٹا جمع کریں گے۔ اس بار مردم شماری کے لیے پاکستان کے شہریوں کو خود شماری کی سہولت بھی فراہم کی۔
ڈاکٹر نعیم الظفر نے کہا خود شماری پورٹل 3 مارچ 2023 تک دستیاب رہے گا۔ یہ مردم شماری اقتصادی مردم شماری کے لیے فریم ورک فراہم کرےگی۔ پالیسی سازی اور منصوبہ بندی کے لیے خانہ و مردم شماری اہم ہے۔
واضح رہے کہ پاکستان میں اب تک 1951، 1961، 1972، 1981، 1998 اور 2017 میں مردم شماری ہو چکی ہے۔ 2017 میں کی جانے والی مردم شماری کے مطابق پاکستان کی آبادی قریباً پونے 21 کروڑ ہے۔
