وفاقی دار الحکومت اسلام آباد میں سکیورٹی ہائی الرٹ اور عدالتوں کے گرد و نواح میں مظاہروں پر پابندی عائد کردی گئی ہے۔
ترجمان اسلام آباد پولیس تقی جواد بلوچ نے وی نیوز کو بتایا کہ وفاقی دارالحکومت میں دفعہ 144 نافذ العمل ہے۔ عدالتوں کے احاطے میں صرف وکلاء ، صحافیوں اور زیر سماعت مقدمات سے متعلقہ افراد کو داخلے کی اجازت دی جائے گی۔
وفاقی دارالحکومت کی عدالتوں کی سیکیورٹی ۔
اسلام آباد میں قائم عدالتوں کے گرد و نواح میں مظاہروں پر پابندی عائد کردی گئی ہے۔
وفاقی دارالحکومت میں دفعہ 144 نافذ العمل ہے۔عدالتوں کے احاطے میں صرف وکلاء، صحافیوں اور زیر سماعت مقدمات سے متعلقہ افراد کو داخلے کی اجازت دی جائے گی۔⬇️
— Islamabad Police (@ICT_Police) March 2, 2023
ٹوئٹر پر جاری اپنے بیان میں اسلام آباد پولیس نےکہا کہ دہشت گردی اور دیگر خطرات کے پیش نظر سیکیورٹی ہائی الرٹ کے احکامات جاری کیے گئے ہیں ۔
دہشت گردی اور دیگر خطرات کے پیش نظر سیکیورٹی ہائی الرٹ کے احکامات جاری کیے گئے ہیں ۔کسی بھی غیر معمولی سرگرمی کی اطلاع پکار 15 پر کریں۔#ICTP #Islamabad
— Islamabad Police (@ICT_Police) March 2, 2023
ترجمان کا مزید کہنا تھا کہ کسی بھی غیر معمولی سرگرمی کی اطلاع 15 پر کریں۔
زیر تعمیر مارگلہ ایوینیو پر بڑی اور باربردار گاڑیوں کے داخلے پر مکمل پابندی عائد کر دی گئی ہے۔ پولیس ترجمان کے مطابق غیر قانونی آمد و رفت مکمل طور پر بند ہوگی یہ راستہ صرف چھوٹی گاڑیوں کے لیے مختص ہے۔
اسلام آباد شہر میں آبادی کے اندر بھی بڑی گاڑیوں کی آمدورفت سخت ممنوع ہے۔
