آئمہ بیگ اور ساحر علی بگا کا گانا’’وشملے‘‘ ریلیز

گلوکار ساحر علی بگا اور آئمہ بیگ کا   نیا گانا ’’وشملے‘‘ ریلیز کر دیا گیا۔

گزشتہ روز آئمہ بیگ نے  انسٹا گرام پر  گانےکو ریلیزکرنے  کا اعلان کرتے ہوئے اپنی اسٹوری میں’’وشملے‘‘ کا لنک شیئر کیا۔ گانے کی ویڈیو کو یوٹیوب پر بھی جاری کیا گیا ہے۔

گلو کار ساحر علی بگا اور آئمہ بیگ نے طویل عرصے بعد ایک ساتھ گانے میں کام کیا ہے۔ گانا’’وشملے‘‘آئمہ بیگ اور ساحر علی بگا  نے نہ صرف گایا ہے بلکہ اس گانے  کی ویڈیو میں ایک ساتھ  پرفارم بھی کیا ہے۔

واضح رہے کہ چند روز قبل  آئمہ بیگ نے انسٹا گرام پر ’’وشملے‘‘کا ٹیزر جاری کرتے ہوئے کہا تھا کہ  وہ بلوچستان کی  خوبصورت روایات اور میٹھی زبان کے حوالے سے ایک گیت بنانا چاہتی تھیں جس کے ذریعہ ایک بڑے صوبے کی ثقافت کو منایا جائے گا۔

یوٹیوب پر اب تک ’’وشملے‘‘گانے کی ویڈیو کو ہزاراوں کی تعداد میں دیکھا جا چکا ہے۔ مداحوں کی جانب سے اس خاصا پسند بھی کیا جا رہا ہے۔