آج کوئٹہ سمیت پاکستان کے دیگر حصوں میں بلوچ کلچرڈے بڑے جوش و خروش سےمنایا جارہا ہے۔ اس موقع پر کوئٹہ اور دیگر چھوٹے بڑے شہروں میں مختلف تقاریب کا انعقاد کیا گیا۔
بلوچ ہر سال 2 مارچ کو بلوچ کلچر ڈے مناکر اپنی پہچان دنیا کے سامنے رکھتے ہیں۔ خواتین کشیدہ کاری سے مزین لباس اورچادریں زیب تن کرتی ہیں جبکہ مرد گھیر دار کھلی شلوار اور گھٹنوں سے اوپر قمیص اور سر کو ڈھانپنے کے لیے دستار اور پگڑی پہنتے ہیں۔
کوئٹہ 2 مارچ : قائمقام گورنر بلوچستان میر جان محمد جمالی نے بلوچ کلچر ڈے کے موقع اپنے ایک پیغام میں کہا ہے کہ بلوچ کلچر دیرینہ روایات اور مستحکم صحت مند اقدار کا مجموعہ ہے.#baloch_culture_day pic.twitter.com/Kn9ui2RMJB
— Governor Balochistan (@Gov_Balochistan) March 2, 2023
پاکستان اور خاص طور پر بلوچستان میں رنگا رنگ تقاریب کے علاوہ ریلیاں بھی نکالی گئیں جن میں بلوچستان کی بھرپور ثقافت کے ساتھ ساتھ ملک سے گہری محبت کو بھی اجاگر کیا گیا۔
تقاریب و ریلیوں کے منتظمین کے مطابق بلوچ ڈے منانےکا مقصد عوام کو امن اور محبت کا پیغام دینا اور تمام روایات، ثقافت اورمنفرد طرزِ زندگی کو ہمیشہ زندہ رکھنے کی کوشش کرنا ہے۔
بلوچ کلچر ڈے کے موقع پر امریکی قونصلیٹ کراچی نے ٹویٹ کرتے ہوئے کہا کہ آج ہم بلوچستان کی متحرک اور بھرپور ثقافت کا جشن منا رہے ہیں ہمیں اس خصوصی دن کا حصہ بننے اور پاکستان کے سماجی اقتصادی اور ثقافتی تانے بانے میں بلوچ برادری کی نمایاں خدمات کو تسلیم کرنے پر فخر ہے۔
Happy Baloch Culture Day! Today, we celebrate the vibrant & rich culture of Balochistan. We are honored to be part of this special occasion & recognize the significant contributions of the Baloch community to Pakistan's social, economic, & cultural fabric.
#BalochCultureDay pic.twitter.com/pYiR8Qlq7p— US Consulate Karachi (@usconsulatekhi) March 2, 2023
