ایف آئی اے امیگریشن نے جعلی ویزے پر عراق سے پاکستان آنے والے دو ملزمان کو کراچی ایئرپورٹ پر گرفتار کر لیا۔
ترجمان ایف آئی کے مطابق بیرون ملک سے آنے والے سجاد حسین اور علی حمزہ کو کراچی ایئرپورٹ پر گرفتار کیا گیا ہے جن کے پاکستانی پاسپورٹس پر عراق کے ویزے جعلی اور ٹیمپرڈ تھے۔
ملزم علی حمزہ کے پاسپورٹ پر عراق کا جعلی ویزا لگا ہوا تھا جبکہ ملزم سجاد حسین کے پاسپورٹ پر ویزے کے صفحات ٹیمپرڈ تھے۔
یہ بھی پڑھیں : اینٹی ہیومن ٹریفکنگ ایف آئی اے نے انسانی اسمگلر گرفتار کرلیا
ابتدائی تفتیش کے مطابق ملزمان پاکستان سے ایران گئے تھے جہاں انہوں نے ایجنٹ سے جعلی ویزے حاصل کیے۔
قانونی کارروائی کے لیے ملزمان کو اینٹی ہیومن ٹریفکنگ سرکل کراچی منتقل کردیا گیا ہے۔