الیکشن کمیشن آف پاکستان نے ان خبروں کے بعد کہ الیکشن کمیشن کا ای ایم ایس (EMS) ناکام ہوگیا ہے، ایسی کسی بھی خبر کی تردید کرتے ہوئے وضاحت کی ہے کہ الیکشن کمیشن کا تمام آپریشنل اور آئی ٹی نظام تسلی بخش انداز سے کام کر رہا ہے اور کمیشن کو عام انتخابات 2024 کے انعقاد کیلئے جاری مراحل میں کسی قسم کی رکاوٹ اور دشواری کا سامنا نہیں ہے۔
#ECP pic.twitter.com/KCZWqjIp1Z
— Election Commission of Pakistan (OFFICIAL)🇵🇰 (@ECP_Pakistan) December 27, 2023
ترجمان الیکشن کمیشن کے مطابق کمیشن نے ایک خود کار اور جدید الیکشن مینجمنٹ سسٹم تیار کیا ہے جسے پریزائیڈنگ افسران سے ریٹرننگ افسران تک انتخابی نتائج کی ترسیل اور مرتب کرنے کے لیے استعمال کیا جائے گا۔ترجمان کے مطابق اس حوالے سے تمام تیاریاں مکمل ہیں اور اس خود کار نظام کی متعدد دفعہ ٹیسٹنگ بھی ہو چکی ہے۔
مزید پڑھیں
ای ایم ایس(EMS) سسٹم میں ریٹرننگ آفیسروں کی معاونت کے لیے کچھ اضافی فنکشن بھی شامل کیے گئے ہیں تاکہ انتخابات کے ابتدائی مراحل کے دوران بھی ڈیٹا کو آئندہ استعمال کے لیے محفوظ کیا جاسکے۔ تاہم دور دراز علاقہ جات جہاں انٹرنیٹ کینکٹیوٹی کے مسائل سامنے آئے، وہاں پر ریٹرننگ افسران کو نامزد امیدواروں کی فہرستیں الیکشن کمیشن، صوبائی الیکشن کمشنر، علاقائی الیکشن کمشنر اور ضلعی الیکشن کمشنر کو بھجوانےمیں کچھ سرسری دشواریاں پیش آئی ہیں، کیونکہ الیکشن کمیشن نے EMS میں یہ اضافی فنکشن صرف اور صرف ریٹرننگ آفیسرو ں کی معاونت لے لیے مہیا کئے ہیں۔
ای ایم ایس (EMS) کا مقصد
ترجمان نے مزید وضاحت کی ہے کہ ای ایم ایس (EMS) کا بنیادی مقصد الیکشن نتائج کی ترسیل اور ٹیبولیشن مرتب کر نا ہے۔ اس سسٹم کا استعما ل صرف پولنگ ڈے کے دن ہوگا، فی الوقت یہ کہنا کہ ای ایم ایس ناکام ہوگیا ہے جبکہ اسے ابھی آپریشنلائز نہیں کیا گیا، من گھڑت اورغیر سنجیدہ ہے۔
انتخابی نتائج کی ترسیل اورٹیبولیشن کو کوئی خطرہ نہیں
ترجمان کے مطابق ای ایم ایس سے انتخابی نتائج کی ترسیل اورٹیبولیشن کو کوئی خطرات لاحق نہیں ہیں اور الیکشن کمیشن عام انتخابات 2024 کے لیے اپنی تیاریوں اور اس میں الیکشن مینجمنٹ سسٹم کے استعمال سے مکمل طور پر مطمئن ہے۔اس حوالے سے بعض حلقوں میں سامنے آنے والے خدشات اور اندیشے بے بنیاد ہیں ۔
