ایف آئی اے امیگریشن نے کوئٹہ ایئرپورٹ پر جعلی سفری دستاویزات پر بیرون ملک جانے والے 2 مسافروں کو آف لوڈ کر دیا۔
ملزمان فرحان احمد اور پرویز محمد فلائٹ نمبر FZ346 سے اٹلی جا رہے تھے ان کا تعلق گجرانوالہ اور شیخوپورہ سے ہے۔
ملزمان کی جانب سے پیش کیے جانے والے اٹلی کے ریزیڈنٹ کارڈ جعلی نکلے اور ان کے پاسپورٹ پر بیرون ملک آمد و روانگی کی جعلی اسٹیمپس بھی لگی ہوئی تھیں جن کا کسی قسم کا ریکارڈ سسٹم میں موجود نہیں تھا۔
ابتدائی تفتیش کے مطابق ملزم نے ایجنٹوں سے بھاری رقوم کے عوض مذکورہ کارڈز حاصل کیے تھے۔ ملزمان نے جعلی ریزیڈنٹ کارڈز کے عوض مجموعی طور پر 37 لاکھ روپے ادا کیے۔
ملزمان کو مزید قانونی کارروائی کے لیے اینٹی ہیومن ٹریفکنگ سرکل کوئٹہ منتقل کر دیا گیا۔
