وزارت مذہبی امور نے عازمین حج تک معلومات تک رسائی اور سہولت کے لیے ہیلپ لائن قائم کر دی۔
جمعرات کو وزارت کے ترجمان کے مطابق وزارت مذہبی امور نے حج 2024 کے تمام عازمین حج سے کہا ہے کہ وہ کسی بھی مشکل میں معلومات کے حصول کے لیے ہیلپ لائن کے ان نمبروں 051-9205696، 9216980-82 رابطہ کرسکتے ہیں۔
مزید پڑھیں
یاد رہے کہ نگراں وفاقی وزیر مذہبی امور انیق احمد نے سرکاری اسکیم کے تحت حج 2024 کے لیے قرعہ اندازی کا اعلان کرتے ہوئے بتایا تھا کہ ریگولر حج اسکیم میں 69 ہزار 438 درخواستیں موصول ہوئیں جن میں سے 63 ہزار 805 خوش نصیب عازمین حج کا انتخاب کیا گیا.
حکومت نے حج پالیسی 2024 کا اعلان کرتے ہوئے یہ بھی کہا تھا کہ اس بار حج گزشتہ سال کی نسبت ایک لاکھ روپے سستا ہوگا۔
