پاکستان اسٹاک ایکسچینج نے ہفتہ وار رپورٹ جاری کی ہے۔ جس کے مطابق پاکستان اسٹاک ایکسچینج میں کاروباری ہفتے میں مثبت رجحان رہا اور 2063 پوائنٹس اضافہ ریکارڈ کیا گیا، 100 انڈیکس 3.35 فیصد اضافے سے 64514 پر بند ہوا۔
مزید پڑھیں
رپورٹ میں کہا گیا ہے کہ 100 انڈیکس کی بلند ترین سطح 65333 رہی جبکہ 100 انڈیکس کی ہفتہ وار کم ترین سطح 62672 ریکارڈ کی گئی۔
ایک ہفتے میں اسٹاک مارکیٹ میں 3.43 ارب شیئرز کے سودے ہوئے، شیئرز بازار کے ہفتے وار کاروبار کی مالیت 98 ارب روپے رہی جبکہ مارکیٹ کیپٹلائزیشن ہفتہ بھر میں 310 ارب روپے بڑھ کر 9373 ارب روپے ہے۔
