چیف جسٹس قاضی فائز عیسیٰ سے بڑی امیدیں وابستہ ہیں، بلاول بھٹو زرداری

پیر 8 جنوری 2024
icon-facebook icon-twitter icon-whatsapp

چیئرمین پاکستان پیپلز پارٹی بلاول بھٹو زرداری نے کہا ہے کہ ہمیں اپنی تاریخ اور اپنے مستقبل کو درست کرنا ہوگا، ہمیں امید ہے کہ صدارتی ریفرنس کیس میں انصاف ضرور ملے گا، ہمیں چیف جسٹس آف پاکستان جسٹس قاضی فائز عیسیٰ سے بڑی امیدیں وابستہ ہیں۔

بلاول بھٹو زرداری نے ذوالفقار علی بھٹو صدارتی ریفرنس کی سماعت کے بعد سپریم کورٹ کے باہر میڈیا سے گفتگو کرتے ہوئے کہا کہ بانی پی ٹی آئی اگر بے گناہ ہے تو اس کو جیل میں نہیں ہونا چاہئے، اگر اس نے کوئی جرم کیا ہے تو اس کو قانو ن کے مطابق سزا ملنی چاہیے، بانی پی ٹی آئی کو اب خود توبہ کرنی ہوگی۔

بلاول بھٹو زرداری کا کہنا تھا کہ ہمیں اب پرانی سیاست کو دفن کرنا ہوگا، بانی پی ٹی آئی کہتا تھا کہ سب چوروں کو پھانسی پر لٹکا دو، بانی پی ٹی آئی کو اب اپنے مؤقف میں تبدیلی لانا ہوگی اور اپنی غلطیاں ماننا ہوں گی۔ ہم سب جماعتوں کو تاریخ سے سبق سیکھنا ہوگا۔

صدارتی ریفرنس کے حوالے سے ان کا کہنا تھا کہ سپریم کورٹ کے پاس تاریخ درست کرنے کا موقع ہے، امید ہے اس کیس میں پیپلزپارٹی کو انصاف ملے گا۔ اس وقت میں تمام سیاسی جماعتوں کا مقابلہ کر رہا ہوں، میں چاہتا ہوں کہ ملک سے نفرت اور تقسیم کی سیاست کا خاتمہ ہو۔

پی پی چیئرمین کا کہنا تھا کہ بانی پی ٹی آئی نے جہوریت کو سیاسی مک مکا کا نام دیا۔ چیف جسٹس نےکہا کہ پتھر پر لکیر ہے کہ انتخابات 8 فروری کو ہوں گے، چیف جسٹس کی بات میں زیادہ وزن ہے یا چند سینیٹرز کی۔ ووٹ ڈالنے کی تیاری کریں، اقوام متحدہ سے بھی قرار داد پاس کرادیں پھر بھی 8 فروری کو الیکشن ہوں گے۔

بلاول بھٹو زرداری نے کہا کہ پی پی نےکراچی اور حیدر آباد سے حال ہی میں بلدیاتی الیکشن جیتے ہیں، کراچی کے عوام اس بار پیپلز پارٹی کو ضرور موقع دیں گے۔ پی پی نے پی ٹی آئی کو شکست دےکر ملتان اور کراچی کا ضمنی الیکشن جیتا، ن لیگ کو ان کی نشست پر شکست دی۔ پیپلزپارٹی نے اپنا منشور دے دیا ہے، ہم حکومت بنا سکیں گے۔ تیر کا انتخابی نشان ہمیشہ سے ہے، بلے کا نشان تو پہلے کبھی تھا ہی نہیں، الیکشن کمیشن کی جانب سے زبردستی بلا دلوایا گیا تھا۔

بلاول بھٹو نے کہا کہ صدارتی ریفرنس کیس کو ممکن ہو تو جلد از جلد نمٹا دیا جائے، پہلے جسٹس افتخار چوہدری نے سماعت کی، لیکن فیصلہ نہ ہوسکا۔ ایک جج نے اپنے انٹرویو میں کہا کہ ججز دباؤ کی وجہ سے درست فیصلہ نہیں کرتے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

پنجاب حکومت اور تعلیم کے عالمی شہرت یافتہ ماہر سر مائیکل باربر کے درمیان مل کر کام کرنے پر اتفاق

وسط ایشیائی ریاستوں نے پاکستانی بندرگاہوں کے استعمال میں گہری دلچسپی ظاہر کی ہے، وزیراعظم پاکستان

حکومت کا بیرون ملک جاکر بھیک مانگنے والے 2 ہزار سے زیادہ بھکاریوں کے پاسپورٹ بلاک کرنے کا فیصلہ

کوپا امریکا کا بڑا اپ سیٹ، یوراگوئے نے برازیل کو ہرا کر سیمی فائنل کے لیے کوالیفائی کرلیا

ٹی20 کرکٹ سے ریٹائر بھارتی کپتان روہت شرما کیا ون ڈے اور ٹیسٹ کے کپتان برقرار رہیں گے؟

ویڈیو

پنک بس سروس: اسلام آباد کی ملازمت پیشہ خواتین اور طالبات کے لیے خوشخبری

کنوؤں اور کوئلہ کانوں میں پھنسے افراد کا سراغ لگانے کے لیے مقامی شخص کی کیمرا ڈیوائس کتنی کارگر؟

سندھ میں بہترین کام، چچا بھتیجی فیل، نصرت جاوید کا تجزیہ

کالم / تجزیہ

روس کو پاکستان سے سچا پیار ہوگیا ہے؟

مریم کیا کرے؟

4 جولائی: جب نواز شریف نے پاکستان کو ایک تباہ کن جنگ سے بچا لیا