پاکستان میں برطانیہ کی ہائی کمشنر جین میریٹ نے عام انتخابات کو پاکستان کے مسقتبل کے لیے اہم قرار دیتے ہوئے کہا ہے کہ بنیادی اصلاحات کا تسلسل لازمی ہے۔
سماجی رابطے کی ویب سائٹ ’ایکس‘ پر اپنے پیغام میں جین میریٹ نے بتایا کہ وہ اس وقت کراچی، لاہور اور اسلام آباد میں تمام اہم سیاسی جماعتوں سے ملاقاتوں میں مشغول ہیں۔
Currently spending time in Karachi, Lahore and Islamabad meeting all the main political parties. Continuation of fundamental economic reform is essential. Inclusive elections on 8th February are vital for Pakistan’s future.
— Jane Marriott (@JaneMarriottUK) January 8, 2024
برطانوی ہائی کمشنر نے کہا کہ بنیادی اقتصادی اصلاحات کا تسلسل ضروری ہے اور 8 فروری کو ہونے والے انتخابات پاکستان کے مستقبل کے لیے اہم ہیں۔
مزید پڑھیں
ایکس پر اپنے گزشتہ پیغام میں برطانوی ہائی کمشنر نے کہا تھا کہ چیف الیکشن کمشنر سے ملاقات کے دوران دونوں نے اس بات پر اتفاق کیا کہ پاکستان میں قانون کے مطابق آزادانہ، قابل اعتماد، شفاف اور جامع انتخابات ہونے چاہییں۔
واضح رہے کہ جین میریٹ پاکستان میں تعینات ہونے والی پہلی خاتون ہائی کمشنر ہیں۔ وہ جولائی 2023 میں اپنی ذمہ داریاں سنبھالنے پاکستان پہنچی تھیں۔