زمرے استاد 40 سال قبل افغانستان سے پشاور منتقل ہوئے۔ وہ پشاور کے بورڈ بازار (چھوٹا کابل) میں ریڈیو اور پرانے ٹیپ ریکارڈر کی مرمت کا کام کر رہے ہیں۔
زمرے استاد نے اپنی چھوٹی سی دکان میں پشتو کی قدیم موسیقی کی سینکڑوں کیسٹیں محفوظ رکھی ہیں۔
پاکستان کی جانب سے افغان باشندوں کی اپنے ملک واپسی کے فیصلے کے بعد زمرے استاد فکرمند ہیں کہ وہ اس محفوظ شدہ موسیقی کو کیسے افغانستان منتقل کریں گے کیونکہ ان کے بقول وہاں کی حکومت موسیقی کے حق میں نہیں ہے۔