پاکستان مسلم لیگ (ن) کے قائد محمد نوازشریف سے نیشنل پارٹی کے 6 رکنی وفد نے ملاقات کی اور انہیں مقدمات سے بریت پر مبارکباد پیش کی۔
وفد کی قیادت پارٹی صدر ڈاکٹر عبدالمالک بلوچ نے کی جس میں میر کبیر، سردار کامل، جان محمد، طاہر بزنجو اور ایوب ملک شامل بھی تھے۔
ملاقات میں سابق وزیراعظم اور ن لیگ کے مرکزی صدر شہبازشریف، ن لیگ بلوچستان کے صدر جعفر خان مندوخیل، سردار ایاز صادق اور مریم اورنگزیب بھی موجود تھیں۔
نوازشریف نے مرحوم میر حاصل خان بزنجو کی ملک وقوم اور جمہوریت کے لیے خدمات کو خراج عقیدت پیش کیا۔
مزید پڑھیں
ملاقات میں ملک کی مجموعی صورتحال اور 8 فروری کو عام انتخابات کے حوالے سے سیاسی تعاون پر تبادلہ خیال ہوا اور قائدین نے پاکستان کے لیے مل کر چلنے اور سیاسی تعاون بڑھانے پر اتفاق کیا۔
عبدالمالک بلوچ نے ملک بالخصوص بلوچستان کی ترقی کے لیے قائد نوازشریف کے وژن اور کاوشوں کو بھی سراہا۔
