سابق بھارتی ٹینس اسٹار ثانیہ مرزا اور پاکستان کرکٹ ٹیم کے سابق کپتان شعیب ملک 2022 میں اس وقت سرخیوں میں آگئے تھے جب ان کی طلاق کی افواہیں انٹرنیٹ پر چلنے لگیں۔ جب کہ ان دونوں میں سے کسی نے بھی اسے تسلیم نہیں کیا، اب ایک بار پھر اس جوڑی کی طلاق کے حوالے سے قیاس آرائیاں زوروں پر ہیں۔
ثانیہ مرزا نے انسٹاگرام پر اسٹوری میں بتایا ہے کہ کس طرح شادی اور طلاق دونوں مشکل کام ہیں، دونوں میں سے ایک کا انتخاب دانشمندی سے کرنا چاہیے۔
بدھ کے روز سابق بھارتی ٹینس اسٹار ثانیہ مرزا نے شادی اور طلاق کے بارے میں ایک پوسٹ شیئر کی، جس میں انہوں نے لکھا کہ ’شادی مشکل ہے، طلاق مشکل ہے۔ ان میں سے کون سی زیادہ مشکل ہے، اس کا انتخاب کریں۔‘
ثانیہ مرزا نے مزید لکھا کہ موٹاپا مشکل ہے۔ فٹ رہنا مشکل ہے۔ اپنی مشکل کا انتخاب کریں۔
قرض میں رہنا مشکل ہے۔ مالی طور پر نظم و ضبط رکھنا مشکل ہے۔ اپنی مشکل کا انتخاب کریں۔
انہوں نے لکھا کہ مواصلت(معلومات کا تبادلہ) مشکل ہے۔ بات چیت نہ کرنا مشکل ہے۔ اپنی مشکل کا انتخاب کریں۔
سابق ٹینس اسٹار نے لکھا کہ زندگی کبھی آسان نہیں ہوگی۔ یہ ہمیشہ مشکل رہے گا۔ لیکن ہم اپنی مشکل کا انتخاب کر سکتے ہیں۔ سمجھداری سے انتخاب کریں۔’
ثانیہ مرزا کی اس انسٹاگرام اسٹوری سے ان کی شعیب ملک سے طلاق کی قیاس آرائیوں کو مزید تقویت ملی ہے۔
View this post on Instagram
اس سے قبل ثانیہ اور شعیب ملک نے اپنے بیٹے اذہان کے تیراکی کے مقابلے میں تمغہ جیتنے کا جشن منایا تھا۔ اذہان کے انسٹاگرام اکاؤنٹ (جو ثانیہ مرزا کے زیر انتظام ہے) پر تیراکی مقابلے کی تصاویر پوسٹ کیں گئی۔
تصویر میں ثانیہ اپنے بیٹے اذہان کو پکڑے ہوئے نظر آرہی ہیں جبکہ اذہان میڈل کے ساتھ پوز دیے ہوئے ہیں۔
ایک اور تصویر میں شعیب ملک اذہان کے ساتھ کھڑے نظر آ رہے ہیں۔
View this post on Instagram
دوسری جانب حال ہی میں اس جوڑی کے مداحوں نے دیکھا کہ ثانیہ مرزا اور شعیب ملک نے سوشل میڈیا پر ایک دوسرے کے ساتھ اپنی تصاویر ڈیلیٹ کر دی ہیں۔
پچھلے سال شعیب ملک کے انسٹاگرام بائیو میں تبدیلی نے بھی کافی توجہ حاصل کی تھی، جس نے ایک بار پھر طلاق کی افواہوں کو جنم دیا۔ شائقین نے دیکھا کہ شعیب نے اپنے بائیو سے ‘شوہر ٹو ایک سپر وومین‘ @ mirzasanar کو ہٹا دیا تھا اور اسے ‘باپ ٹو ون ٹرو بلیسنگ‘ میں تبدیل کردیا تھا۔
واضح رہے کہ بھارتی ٹٰینس اسٹار ثانیہ مرزا اور پاکستانی کرکٹ ٹیم کے سابق کپتان شعیب ملک 2010 میں شادی کے بندھن میں بندھے تھے۔ ان کے ہاں اکتوبر 2018 میں پہلے بچے ’اذہان‘ کی پیدائش ہوئی تھی۔
