الیکشن میں جہاں کوئی بھائی کسی جماعت سے اور دوسرا کسی اور جماعت کا امیدوار ہے وہیں عمران خان کی بیوی بشریٰ بی بی کا داماد بھی نون لیگ کی ٹکٹ کی امیدیں لے کر 2 سال سے الیکشن لڑنے کی تیاریوں میں مصروف رہا لیکن عین وقت پر مسلم لیگ نون نے انہیں ٹکٹ جاری کرنے سے انکار کردیا ہے۔
مزید پڑھیں
پاکپتن کے حلقہ 139 میں حیات مانیکا جو بشریٰ بی بی کے داماد ہیں نے پنجاب اسمبلی کی سیٹ کے لیے نون لیگ کے پلیٹ فارم سے اپنی کمپین شروع کر رکھی تھی۔ ان کے والد عطا محمد مانیکا جو سابق صوبائی وزیر بھی رہ چکے ہیں نے بھی بیٹے کی ٹکٹ کے حصول کی بھرپور کوشش کی لیکن ناکامی مقدر ٹھہری۔ اس پر دلبرداشتہ حیات مانیکا نے نون لیگ سے لا تعلقی کا اعلان کردیا ہے۔
دوسر ی جانب مسلم لیگ نون نے اس حلقہ سے بشریٰ بی بی کے سابق خاوند خاور مانیکا کے چھوٹے بھائی فاروق مانیکا کو صوبائی اسمبلی کی ٹکٹ تھما دی ہے۔ جبکہ ا ن کے دوسرے بھائی احمد رضا مانیکا پاکپتن کے قومی اسمبلی کے حلقہ 193 سے نون لیگ کے امیدوار ہیں۔