پاکستان کے دفتر خارجہ نے اعلان کیا ہے کہ ملک میں 8 فروری کو عام انتخابات کے موقعے پر افغانستان اور ایران کے ساتھ بارڈر بند رکھا جائے گا۔
دفتر خارجہ کے ترجمان نے سماجی رابطے کی ویب سائٹ ’ایکس‘ پر اپنے ایک پیغام میں کہا کہ عام انتخابات کے دوران افغانستان اور ایران کے ساتھ بارڈر بند رکھنے کی وجہ بیان کرتے ہوئے بتایا کہ یہ فیصلہ سیکیورٹی خدشات کے پیش نظر کیا گیا ہے۔
To ensure full security during the general elections to be held in Pakistan on 8 Feb 2024, border crossings with Afghanistan and Iran, would remain closed both for cargo and pedestrians. Normal operations would resume on 9 Feb 2024.
— Ministry of Foreign Affairs – Pakistan (@ForeignOfficePk) February 7, 2024
ترجمان نے کہا کہ افغانستان اور ایران کے ساتھ سرحدیں کارگو اور مسافروں دونوں کی آمدورفت کے لیے بند رہیں گی۔
دفتر خارجہ کے ترجمان نے کہا سرحدیں پولنگ کے اگلے روز جمعہ 9 فروری کو کھول دی جائیں گی۔
مزید پڑھیں
واضح رہے کہ بلوچستان میں عام انتخابات سے ایک روز قبل 2 دھماکے ہوئے ہیں جس کے نتیجے میں 29 افراد جاں بحق ہو گئے ہیں۔ جبکہ 40 سے زیادہ زخمی ہیں۔ پشین میں ہونے والے دھماکے میں 17 افراد بحق اور 30 سے زیادہ زخمی ہوئے جبکہ قلعہ سیف اللہ میں ہونے والے دھماکے میں 12 افراد جاں بحق اور 10 زخمی ہو گئے۔
مزید برآں بدھ کے روز ہی جمعیت علما اسلام کے سینیئر رہنما حافظ حمداللہ کی گاڑی پر چمن میں فائرنگ ہوئی ہے۔ پولیس نے بتایا ہے کہ حافظ حمداللہ چمن سے کوئٹہ جا رہے تھے جہاں میزائی اڈا پر ان کی گاڑی کو نشانہ بنایا گیا ہے تاہم وہ محفوظ رہے۔
واضح رہے کہ حافظ حمداللہ کو اس سے قبل بھی دہشتگردوں کی جانب سے نشانہ بنایا گیا تھا جس کے نتیجے میں وہ زخمی ہو گئے تھے۔