امریکی وزیر خارجہ انتونی بلنکن نے کہا ہے کہ غزہ سے یرغمالیوں کی واپسی کا معاہدہ ممکن ہے۔
اے ایف پی کے مطابق انہوں نے تل ابیب میں اسرائیلی وزیراعظم نیتن یاہو سے ملاقات کے بعد صحافیوں سے گفتگو کرتے ہوئے کہا کہ اگر محنت کی جائے تو غزہ سے یرغمالیوں کی واپسی کا معاہدہ اب بھی ممکن ہے۔ انہوں نے مزید کہاکہ ہماری کوشش ہے کہ جلد ازجلد فلسطین میں جنگ بندی ہو۔
مزید پڑھیں
امریکی وزیر خارجہ نے اس موقع پر فلسطینی شہریوں کی حفاظت پر زور دیتے ہوئے کہا کہ اسرائیل کی ذمہ داری ہے کہ وہ شہریوں کے تحفظ کو یقینی بنانے کے لیے ہر ممکن کوشش کرے۔
انہوں نے رفح کے بارے میں کہا کہ کوئی بھی فوجی آپریشن جو اسرائیل کرتا ہے اسے عام شہریوں کو اس بارے میں آگاہ کرنا چاہیے۔
