پاکستان سپر لیگ (پی ایس ایل) 2024 سیزن 9 کا آغاز 17 فروری سے ہونے جا رہا ہے، پہلا میچ لاہور قلندر اور اسلام آباد یونائیٹڈ کے درمیان کھیلا جائے گا۔ اس سلسلے میں ٹکٹوں کی فروخت کا سلسلہ بھی جاری ہے، جس کا آغاز 6 فروری سے ہو چکا تھا۔
آن لائن ٹکٹ کیسے خریدیں؟
پاکستان کرکٹ بورڈ (پی سی بی) نے ٹکٹ خریدنے کے عمل کو آسان بنانے کے لیے شائقین کو آن لائن پری بکنگ کی سہولت فراہم کی ہے، شائقین آن لائن ٹکٹ خریدنے کے لیے pcb.tcs.com.pk پر جا کر اپنا ٹکٹ بک کر اسکتے ہیں۔
پی ایس ایل سیزن 9 کے تمام میچوں میں داخلے کے لیے پیپر ٹکٹ لازمی ہیں، خود پرنٹ شدہ یا ڈیجیٹل ای ٹکٹ 4 مقامات پر قبول نہیں کیے جائیں گے۔
🎟️ The list of designated TCS express centers where physical tickets are available for purchase!
🎟️ Purchase Online tickets here: https://t.co/khPS0MOZVN#HBLPSL9 #KhulKeKhel pic.twitter.com/dpaq3YZVtJ
— PakistanSuperLeague (@thePSLt20) February 12, 2024
پیر 12 فروری سے ٹی سی ایس مراکز پر ٹکٹیں فروخت کی گئیں، اسی طرح آن لائن بک کیے گئے ٹکٹوں کو بھی ٹی سی ایس کے نامزد کردہ پک اپ مراکز سے یا ٹی سی ایس کے ذریعہ گھر پر پہنچایا جا سکتا ہے۔
پی ایس ایل 2024 کے ٹکٹوں کی قیمت کیا ہے؟
آنے والے ایونٹ کے ٹکٹ کی قیمتوں کو مختلف درجات میں تقسیم کیا گیا ہے، وی آئی پی ٹکٹ 6 ہزار روپے، پریمیم ٹکٹ 3 ہزار روپے، فرسٹ کلاس ٹکٹ 2 ہزار روپے اور جنرل ٹکٹ ایک ہزار روپے میں دستیاب ہیں۔
مزید پڑھیں
کراچی کے نیشنل بینک اسٹیڈیم میں 18 مارچ کو ہونے والے گرینڈ فائنل کے لیے ٹکٹوں کی قیمتیں کچھ اس طرح مقرر کی گئی ہیں۔ وی آئی پی ٹکٹ 8 ہزار روپے، پریمیم ٹکٹ 4 ہزار روپے، فرسٹ کلاس ٹکٹ 2500 روپے اور جنرل ٹکٹ ایک ہزار روپے میں دستیاب ہیں۔
کوالیفائنگ میچ کے ٹکٹ کی قیمتیں کچھ اس طرح ہیں، وی آئی پی ٹکٹ 5 ہزار روپے، پریمیم ٹکٹ 2500 روپے، فرسٹ کلاس ٹکٹ 1500 روپے اور جنرل ٹکٹ 750 روپے میں دستیاب ہے۔ اسی طرح 2 ایلیمینیٹر کے وی آئی پی ٹکٹوں کی قیمت 5 ہزار روپے، پریمیم ٹکٹوں کی قیمت 3 ہزار، فرسٹ کلاس ٹکٹوں کی قیمت 1500 روپے، اور جنرل ٹکٹ 750 روپے مقرر کی گئی ہے۔
واضح رہے ٹورنامنٹ کے آغاز کے ساتھ ہی کراچی 11 میچوں کی میزبانی کرے گا، جبکہ راولپنڈی اور لاہور میں ہر ایک مرحلے میں 9 میچ ہوں گے۔ ملتان بھی 5 میچوں کی میزبانی کرکے ٹورنامںٹ میں شرکت کرے گا۔
