پاکستان مسلم لیگ ن کی چیف آرگنائزر مریم نواز نے عمران خان کے خطاب پر ردعمل دیتے ہوئے کہا ہے کہ فتنے سن لو ! لاہور کی مائیں تمہاری گندی سیاست کو لاشیں دینے کے لیے بیٹے جوان نہیں کرتیں اب تمہارے مکروہ عزائم قوم نے پہچان لیے ہیں۔
سینئر نائب صدر پاکستان مسلم لیگ ن نے اپنے ٹویٹ میں لکھا کہ عمران خان کی فتنہ فساد کی سیاست لاہور میں دفن ہوگئی ہے اور اب گھٹنوں میں سردے کے رو ئے یا واپس چارپائی کے نیچے چلاجائے ۔
فتنے سن لو!
لاہور کی مائیں تمہاری گندی سیاست کو لاشیں دینے کے لئے بیٹے جوان نہیں کرتیں ! تمہارے مکروہ عزائم قوم نے پہچان لیے ہیں۔ تمھاری فتنہ فساد کی سیاست لاہور میں دفن ہوگئی ہے۔ اب گھٹنوں میں سر دے کے رو یا جاؤ واپس چارپائی کے نیچے! #ننھی_مُنی_ریلی— Maryam Nawaz Sharif (@MaryamNSharif) March 13, 2023
واضح رہے کہ چیئرمین تحریک انصاف عمران خان نے آج لاہور میں نکالی گئی انتخابی ریلی سے خطاب کرتے ہوئے مخالفین کو آڑے ہاتھوں لیتے ہوئے کہا تھا کہ توشہ خانہ کی بنیاد پر میری کردار کشی کرنے والوں کی حقیقت کھل کر قوم کے سامنے آگئی ہے۔
