نو منتخب صدر آصف علی زرداری نے اپنے عہدے کا چارج سنبھال لیا ہے، جس کے بعد ایوان صدر آمد پر انہیں گارڈ آف آنر بھی پیش کر دیا گیا ہے۔
صدر مملکت آصف زرداری کو گارڈ آف آنر پیش کرنے کی تقریب آج ایوان صدر میں منعقد ہوئی۔ صدر آصف علی زرداری گارڈ آف آنر کی تقریب کے لیے روایتی انداز میں بگھی میں تشریف لائے، جس کے بعد انہیں گارڈ آف آنر پیش کیا گیا۔
پاکستان کے 14ویں صدر کی حیثیت سے حلف اٹھانے کے بعد صدر مملکت آصف علی زرداری کو ایوان صدر میں گارڈ آف آنر پیش کیا گیا۔
قومی ترانے کے بعد نومنتخب صدر نے مسلح افواج کے چاق و چوبند دستے کی جانب سے پیش کئے گئے گارڈ آف… pic.twitter.com/OHkDwc6I8m
— PPP (@MediaCellPPP) March 11, 2024
مسلح افواج کے دستوں نے صدر مملکت کو گارڈ آف آنر پیش کیا، گارڈ آف آنر کی تقریب میں آصف زرداری کے صاحبزادے بلاول بھٹو، صاحبزادی آصفہ اور بختاور بھٹو بھی شریک ہوئیں۔
مزید پڑھیں
واضح رہے کہ ہفتے کے روز آصف علی زرداری ملک کے 14ویں صدر منتخب ہوئے تھے، حکمران اتحاد کے نامزد امیدوار آصف زرداری نے الیکٹورل کالج کے 411 ووٹ حاصل کرکے کامیابی حاصل کی تھی۔
گزشتہ روز آصف زرداری نے صدر مملکت کے عہدے کا حلف اٹھایا تھا۔ چیف جسٹس قاضی فائز عیسیٰ نے ان سے عہدے کا حلف لیا تھا۔
