چین کے صدر شی جن پنگ نے آصف علی زرداری کو دوسری مرتبہ پاکستان کا صدر منتخب ہونے پر مبارکباد پیش کی ہے۔
چینی صدر نے اپنے ایک تہنیتی پیغام میں کہاکہ چین اور پاکستان اچھے پڑوسی، اچھے شراکت دار اور اچھے بھائی ہیں۔
مزید پڑھیں
انہوں نے کہاکہ سی پیک سے دونوں ممالک نے مثبت نتائج حاصل کیے ہیں۔ پاکستان اور چین نے بنیادی مفادات کے معاملے میں ایک دوسرے کی حمایت کی۔
ان کا کہنا تھا کہ ہم صدر زرداری کے ساتھ کام کرنے کے لیے تیار ہیں۔ دونوں ممالک کی تزویراتی اہمیت مزید نمایاں ہو گئی ہے۔
واضح رہے کہ نومنتخب صدر مملکت آصف زرداری نے عہدے کا حلف اٹھا لیا ہے، چیف جسٹس قاضی فائز عیسیٰ نے نومنتخب صدر مملکت سے عہدے کا حلف لیا۔
