پاک فوج اور فرنٹیئر کور (ایف سی) بلوچستان نے زائرین کو سہولیات کی فراہمی کے لیے خصوصی اقدامات کیے ہیں۔
مزید پڑھیں
تفصیلات کے مطابق زائرین کی سہولت کے لیے پاک فوج اور ایف سی بلوچستان کی جانب سے نوشکی میں آرام گاہ قائم کی گئی ہے۔
زائرین کو دوران سفر سہولت کی فراہمی کی غرض سے پاک فوج کی جانب سے 14 بسیں فراہم کی گئیں اور ان کے بیٹھنےکے لیے کینوپی شیڈ کا بھی انتظام کیا گیا ہے۔
نوشکی میں قائم کی جانے والی اس آرام گاہ میں 280 سے زائد زائرین نے قیام کیا، آرام گاہ میں قیام پذیر زائرین کے لیے کھانے پینے کا بھی مکمل اہتمام کیا گیا۔
زائرین کی سہولت اور مفت علاج و ادویات کی دستیابی کے لیے فری میڈیکل کیمپ بھی لگایا گیا ہے۔ اس فری میڈیکل کیمپ میں تقریباً 60 سے زیادہ زائرین کو مفت علاج اور ادویات فراہم کی گئیں۔
زائرین نے پاکستان آرمی اور فرنٹیئر کور بلوچستان کے ان اقدامات کو سراہتے ہوئے خوش آئند قراردیا اور سہولیات کی فراہمی پر پاک فوج اور ایف سی بلوچستان کا شکریہ بھی ادا کیا۔
