انڈین ٹینس اسٹار اور پاکستان کرکٹ ٹیم کے سابق کپتان شعیب ملک کی سابقہ اہلیہ ثانیہ مرزا نے اپنے مداحوں کو بتایا ہے کہ وہ اپنا رمضان کیسے منا رہی ہیں۔
بھارتی ٹینس اسٹار ثانیہ مرزا پاکستانی کرکٹر شعیب ملک سے طلاق کے بعد سے شہ سرخیوں میں ہیں، انہوں نے اپنے 13 ملین سے زیادہ فالوورز کے ساتھ اپنے رمضان وائبس کی ایک جھلک شیئر کی ہے۔
View this post on Instagram
انہوں نےRamadan, week i crew کے کیپشن کے ساتھ متعدد تصاویر شیئر کی ہیں، انہوں نے بیٹے اذہان مرزا کے ساتھ، رمضان المبارک میں فیملی کے افراد کے ہمراہ افطار ٹیبل کی تصویریں اپنے مداحوں کے ساتھ شیئر کی ہیں۔
مزید پڑھیں
ایک تصویر کو ان کے مداحوں نے خوب پسند کیا جس میں وہ ایک گلابی اور سفید لباس میں ملبوس آئینے کے سامنے کھڑی ہیں، ایک تصویر میں انہوں نے ہاتھ میں چائے سے بھرا گلاس پکڑا ہوا ہے۔
ویڈیو کے شروع میں ان کے دبئی میں گھر کو رمضان المبارک کی مناسبت سے سجایا دکھایا گیا ہے۔
واضح رہے کہ ثانیہ مرزا نے شعیب ملک سے خلع لے لی ہے۔ ثانیہ مرزا اور شعیب ملک کی شادی 2010 میں ہوئی تھی اور ان کا ایک بیٹا اذہان مرزا ملک ہے۔
شعیب ملک نے اداکارہ ثنا جاوید سے دوسری شادی کی ہے جس کی اطلاع انہوں نے سوشل میڈیا کے ذریعے مداحوں کو دی تھی۔