پاکستان کرکٹ بورڈ نے سنہ 1992 میں قومی کرکٹ ٹیم کی شاندار فتح اور نتیجے میں ورلڈ کپ کے حصول کے حوالے سے اس وقت کے کھلاڑیوں کا ایک پوز شیئر کیا ہے لیکن عجیب بات یہ ہے کہ اس میں ٹیم کے کپتان عمران خان سرے سے غائب ہیں۔
مزید پڑھیں
کرکٹ بورڈ نے ایکس پر اپنے پیغام میں لکھا ہے کہ پاکستان کو سنہ 1992 میں ورلڈ کپ حاصل ہوا تھا جو ٹیم فائنل میں انگلینڈ کو 22 رنز سے ہراکر ملک لے کر آئی تھی۔
تاہم اس پیغام کے ساتھ جو تصویر شیئر کی گئی ہے اس میں قومی ٹیم کے کپتان عمران خان نہیں ہیں جس پر پاکستان کرکٹ بورڈ کو سوشل میڈیا پر صارفین کی جانب سے شدید تنقید کا سامنا ہے۔
🗓️ #OnThisDay in 1992, Pakistan were crowned @cricketworldcup champions for the first time after defeating England in the final at the iconic MCG by 22 runs 🏆
Scorecard: https://t.co/4Jkviwi6R7 pic.twitter.com/Z5x8IEDCi9
— Pakistan Cricket (@TheRealPCB) March 25, 2024
ایک صارف نے لکھا کہ (جیت کے تذکرے والی پوسٹ میں شیئر کی گئی تصویر) میں عمران خان کا موجود نہ ہونا شرمناک ہے۔ وہ عمران خان ہی تھے جنہوں نے ملک کو اس کامیابی سے ہمکنار کرایا لیکن افسوس کہ سیاست کی وجہ سے ہم اپنے ہیرو کو بھول گئے۔
ایک خاتون نے اپنی پوسٹ میں عمران خان کی ورلڈ کپ والی تصویر شیئر کرتے ہوئے لکھا کہ افسوسناک مگر توقع کے مطابق، لیکن عوام فکر نہ کریں میں نے وہ معاملہ ٹھیک کردیا (یعنی عمران خان کی تصویر شیئر کردی)۔
کسی صارف نے لکھا کہ یہ پوسٹ تاخیر سے شیئر کی گئی تو کسی نے طنزیہ یہ بھی کہا کہ عمران خان کے بغیر ورلڈ کپ والی تصویر ڈھونڈنے میں بورڈ کو خاصی مشکل ہوئی ہوگی اور خاصا وقت
لگ گیا ہوگیا۔
https://x.com/Kilch_Warrior/status/1772280468940984740?t=w5hOO4TbLQrrbEhoKEjV4Q&s=08
ایک صارف نے عمراں خان کی کرکٹ کارکردگی کا مختصر تذکرہ کرتے ہوئے انہیں خراج تحسین پیش کیا اور ان کی ورلڈ کپ کے موقعے کی تصویر بھی شیئر کی۔
