وزارت مذہبی امور نے سرکاری حج اسکیم کی ویٹنگ فہرست میں موجود 405 درخواست گزاروں کو کامیاب قرار دے دیا۔
مزید پڑھیں
ترجمان وزارت مذہبی امور کے مطابق سرکاری اسکیم کے تحت ویٹنگ فہرست پر 448 درخواست گزار موجود تھے جن میں سے 43 نے اپنی رقوم واپس لے لی تھیں۔
باقی 405 افراد کو کامیاب قرار دیتے ہوئے وزارت مذہبی امور نے ہدایت کی ہے کہ وہ فوری طور پر اپنا بائیو میٹرک کرالیں اور پاسپورٹ اپنے متعلقہ بینکوں میں جمع کروادیں۔
قبل ازیں سرکاری اسکیم کے تحت حج 2024 کے لیے قرعہ اندازی کا اعلان کیا گیا تھا جس کے مطابق ریگولر حج اسکیم میں 69 ہزار 438 درخواستیں موصول ہوئی تھیں جن میں سے 63 ہزار 805 خوش نصیب عازمین حج کا انتخاب کیا گیا تھا۔
یاد رہے کہ اس مرتبہ حکومت نے حجاج کرام کے لیے خصوصی ایپ تیار کی ہے اور جن افراد کو جلدی واپس آنا ہے ان کے لیے 21/22 دن کا پیکج بنایا گیا ہے۔
اس بار مفت موبائل نیٹورک سم فراہم کی جائے گی جس میں 7 جی بی مفت ڈیٹا بھی فراہم کیا جائے گا۔
حجاج کو ایک کیو آر کوڈ بھی فراہم کیا جائے گا کیو آر کوڈ کا فائدہ یہ ہوگا کہ نہ ہی حاجی اور نہ ہی اس کا سامان کھونے کا ڈر ہوگا۔
