سنی اتحاد کونسل نے مخصوص نشستوں کے معاملے پر پشاور ہائیکورٹ کا فیصلہ سپریم کورٹ میں چیلنج کرتے ہوئے مخصوص نشستوں کیخلاف پشاور ہائیکورٹ فیصلہ کالعدم قرار دینے کی استدعا کی ہے۔
سربراہ سنی اتحاد کونسل صاحبزادہ حامد رضا کی جانب سے پشاور ہائیکورٹ کے فیصلے کیخلاف اپیل فیصل صدیقی ایڈووکیٹ کے توسط سے سپریم کورٹ میں دائر کی گئی ہے۔
CamScanner 04-01-2024 12.29 by Ghulam Mustafa hashmi on Scribd
مخصوص نشستوں کیخلاف پشاور ہائیکورٹ کا فیصلہ کالعدم قرار دینے کی استدعا کرتے ہوئے سنی اتحاد کونسل کی جانب سے موقف اپنایا گیا ہے کہ پشاور ہائیکورٹ نے آرٹیکل 51 اور سیکشن 106 کی غلط تشریح کی ہے، سنی اتحاد کونسل کو مخصوص نشستیں الاٹ کی جائے۔
اپیل میں الیکشن کمیشن، ن لیگ پیپلز پارٹی ایم کیو ایم و دیگر کو فریق بناتے ہوئے کہا گیا ہے کہ پشاور ہائیکورٹ کے فیصلے میں سقم ہیں، ہائیکورٹ نے الیکشن ایکٹ کے سیکشن 104 اور رولز 92 اور 94 کی غلط تشریح کی، مخصوص نشستیں دیگر سیاسی جماعتوں کو دینا آئینی تقسیم کے فارمولے کی بھی خلاف ورزی ہے۔
