وزیراعظم پاکستان میاں شہباز شریف نے خصوصی، یتیم اور بے سہارا بچوں کے اعزاز میں افطار ڈنر کا اہتمام کیا۔
ایوان وزیراعظم میں بچوں نے وزيراعظم سے ملاقات کے دوران شہباز شریف سے سوالات کیے اور فرمائشیں بھی کیں۔
مزید پڑھیں
اس دوران یتیم اور بے سہارا بچوں نے وزیراعظم ہاؤس کے مختلف حصوں کا دورہ کیا، جبکہ بعد ازاں روزہ افطاری کے بعد وزیراعظم نے بچوں کو کھانا بھی خود پیش کیا۔
وزیراعظم نے اس دوران بچوں کو تحائف بھی دیے جبکہ بچوں نے وزیراعظم سے دانش اسکولوں کا سلسلہ مزید بڑھانے کی بھی اپیل کی۔
اپنے مختصر خطاب میں شہباز شریف نے بچوں کے ساتھ اپنے اس عزم کا اعادہ کیا کہ وہ اسلام آباد میں بھی دانش اسکولوں کا سلسلہ بڑھائیں گے۔
