یوں تو ایک عیدالفطر سے دوسری عید الفطر کے درمیان 12 مہینے ہوتے ہیں، مگر اس مدت میں کسی کی زندگی کتنی بدل سکتی ہے، یہ جاننا ہو تو ثانیہ مرزا اور شعیب ملک کی کہانی سے جانا جاسکتا ہے۔
گزشتہ سال جب ثانیہ مرزا اور شعیب ملک کے درمیان بات ان بن سے بڑھ کر جب علیحدگی کی خبروں تک پہنچی تو عائشہ کو چھوڑ کر ثانیہ سے بیاہ رچانے والے اسٹار کرکٹر شعیب ملک نے خبروں جھٹلایا اور انہیں افواہ قرار دیا تھا۔
’عید پر ثانیہ مرزا کو مس کیا‘، شعیب ملک
مزید پڑھیں
شعیب ملک نے اپنے اور ثانیہ مرزا کے درمیان جدائی کی ان خبروں کے جواب میں کہا تھا کہ’طلاق کی افواہوں کے درمیان انہوں نے عید پر ثانیہ مرزا کو مس کیا‘۔ اتنا نہیں بلکہ شعیب ملک کا کہنا تھا کہ ’ عید پر میں یہ کہنا چاہوں گا کہ اگر ہم اکٹھے ہوتے تو بہت اچھا ہوتا۔ لیکن وہ آئی پی ایل میں شوز کر رہی ہیں۔ اس لیے ہم ساتھ نہیں ہیں۔ ہم ہمیشہ کی طرح پیار بانٹتے ہیں‘۔
مگر آج ٹھیک سال بعد کا منظرنامہ یہ عائشہ کو چھوڑ کر ثانیہ کے پلو سے بندھنے والے شعیب ملک ’تو نہیں اور سہی، اور نہیں اور سہی‘ کی تصویر بنے تیسرا بیاہ رچا چکے ہیں۔ جب کہ دوسری طرف ٹینس کے میدان کی فاتح ثانیہ ازدواجی میدان میں پریشانیوں میں گِھر چکی ہیں۔
’بیٹا اذہان پریشان ہے اس کے لیے جو کرنا چاہیے وہ نہیں کر پارہی‘
سابقہ بھارتی ٹینس اسٹارثانیہ مرزا کا کہنا ہے کہ بیٹے اذہان کے لیے جو کچھ انہیں کرنا چاہیے وہ نہیں کر پا رہیں، کیونکہ یہ سب کچھ کرنا آسان نہیں بلکہ انتہائی مشکل کام ہے۔
اس حوالے سے ثانیہ مرزا کا مزید کہنا ہے کہ وہ اپنے پیشہ وارانہ کیریئر کے ساتھ ساتھ ایک ماں کی حیثیت سے اپنی ذمہ داریاں نبھا رہی ہیں۔
ثانیہ کا کہنا تھا کہ انہیں اپنے لیے ماں سے زیادہ ’ورکنگ وومن‘ کی اصطلاح زیادہ پسند ہے۔ تاہم انہوں نے کہا کہ انہیں اس بات سے تکلیف محسوس ہوتی ہے کہ وہ اپنے بیٹے کے لیے کچھ زیادہ نہیں کر رہی۔
