پاکستانی کرکٹ ٹیم کے سابق کپتان شعیب ملک اور ان کی اہلیہ و اداکارہ ثناء جاوید نے عیدالفطر کے موقع پر رومانوی تصاویر جاری کردیں۔
20 جنوری 2024 کو اپنی شادی کا اعلان فوٹو اینڈ ویڈیو شیئرنگ ایپ انسٹاگرام پر کرنے والی جوڑی شعیب ملک اور ثناء جاوید شادی کے بعد پہلی عید منارہے ہیں۔
مزید پڑھیں
اسٹار جوڑی نے اپنی زندگی کی نئی شروعات کے ابتدائی مہینوں میں آنے والی اس خوشی ‘عیدالفطر’ کا بھرپور استقبال کیا۔
جہاں سوشل میڈیا پر تمام لوگ اپنی اپنی عید کی تصاویر شیئر کر رہے ہیں وہیں شعیب ملک اور ثناء جاوید کی عید پر جاری کی گئی تصاویر کے بہت چرچے ہیں۔
View this post on Instagram
شعیب ملک اور ثناء جاوید نے انسٹاگرام پر ایک پوسٹ جاری کی جس میں دونوں کی رومانوی انداز میں پوز دیتے ہوئے تصاویر شامل ہیں۔
مذکورہ تصاویر بے رنگ ہیں جن میں شعیب ملک اور ثناء جاوید ایک دوسرے کو محبت سے بھرپور انداز میں دیکھ رہے ہیں۔
اگرچہ ان تصاویر میں دونوں کے ملبوسات واضح طور پر نہیں دکھائی دے رہے کہ کس نے کیا پہنا ہے لیکن یہ گماں ہو رہا ہے کہ ثناء جاوید نے ساڑھی پہن رکھی ہے جبکہ شعیب ملک تھری پیس سوٹ پہنے ہوئے ہیں۔
اس پوسٹ پر سوشل میڈیا صارفین کی جانب سے متضاد ردِ عمل دیکھنے کو مل رہا ہے۔ کوئی تعریف کر رہا ہے تو کوئی اب بھی تنقید کر رہا ہے۔
دوسری طرف شعیب ملک کی سابقہ اہلیہ اور سابقہ بھارتی ٹینس اسٹارثانیہ مرزا کا کہنا ہے کہ بیٹے اذہان کے لیے جو کچھ انہیں کرنا چاہیے وہ نہیں کر پا رہیں، کیونکہ یہ سب کچھ کرنا آسان نہیں بلکہ انتہائی مشکل کام ہے۔اس حوالے سے ثانیہ مرزا کا مزید کہنا ہے کہ وہ اپنے پیشہ وارانہ کیریئر کے ساتھ ساتھ ایک ماں کی حیثیت سے اپنی ذمہ داریاں نبھا رہی ہیں۔