قومی کرکٹ ٹیم کے سابق کپتان شعیب ملک کی ثنا جاوید سے دوسری شادی پر بالی ووڈ کنگ شاہ رخ خان کا پرانا ویڈیو کلپ سوشل میڈیا پر وائرل ہو رہا ہے جس میں شاہ رخ خان نے شعیب ملک کی دوسری شادی کی طرف اشارہ دیا تھا۔
بھارت کے ایک ٹی وی شو میں اسٹیج پر شاہ رخ خان کے ہمراہ ثانیہ مرزا اور شعیب ملک موجود ہوتے ہیں، بالی ووڈ کنگ شارخ خان کہتے ہیں کہ میں نے اسٹیج کے پیچھے شعیب ملک سے پوچھا کہ ثانیہ مرزا سے شادی کے بعد تُم نے اُن پاکستانی لڑکیوں سے کیا کہا جو تم سے شادی کی خواہشمند ہیں؟ جس پر شعیب ملک نے کہا کہ میں نے پاکستانی لڑکیوں سے کہا ہے کہ تُم اپنی باری کا انتظار کرو، میں تُم سے بھی شادی کرلوں گا۔
شعیب ملک کا جواب سُن کر ثانیہ مرزا نے پوچھا کہ کیا واقعی انہوں نے ایسا کہا؟ جس پر شاہ رخ خان نے کہا کہ ہاں! شعیب نے مجھے یہی جواب دیا تھا۔
View this post on Instagram
ویڈیو وائرل ہونے کے بعد سوشل میڈیا صارفین نے ردعمل دیتے ہوئے کہا کہ شارخ خان ہمیشہ سچ بولتے ہیں جبکہ ایک صارف نے لکھا کہ اب تو پاکستانی اداکارہ نوال سعید بھی سامنے آ گئی ہیں، شعیب ملک پہلے ان کو پیغامات بھیجتے رہے۔
یاد رہے کہ اس سے پہلے شعیب ملک اور انڈین ٹینس سٹار ثانیہ مرزا کی شادی 2010 میں ہوئی تھی، دونوں کے ہاں شادی کے 8 سال بعد 30 اکتوبر 2018 کو پہلے بیٹے اذہان کی پیدائش ہوئی تھی۔
ثانیہ مرزا سے طلاق کے بعد شعیب ملک نے اداکارہ ثنا جاوید سے شادی کی جس کا اعلان انہوں نے رواں سال 20 جنوری کو اپنی سوشل میڈیا پوسٹ کے ذریعے کیا تھا جس پر مداحوں کی جانب سے ان کو شدید ردعمل کا سامنا ہے۔
واضح رہے کہ ثنا جاوید کی بھی شعیب ملک کے ساتھ دوسری شادی ہے، اُنہوں نے پہلی شادی سال 2020 میں گلوکار عمیر جیسوال سے کی تھی۔
