پاکستان میں مہنگائی نےعوام کی کمر توڑ کر رکھ دی ہے۔ مہنگائی کے پچاس سالہ ریکارڈ بھی ٹوٹ چکے ہیں۔ اتحادی حکومت کو مہنگائی پر شدید ردعمل کا سامنا اس لیے کرنا پڑرہا ہے کہ تحریک انصاف حکومت کے خلاف اس کا اصل بیانیہ مہنگائی ہوا کرتا تھا۔
پی ٹی آئی حکومت کے خلاف اس وقت کی اپوزیشن اور آج کی حکومتی جماعتیں مہنگائی مکاؤ مارچ نکالتی رہیں۔ اور خود فروری میں منی بجٹ منظور کر کے 170 ارب روپے کے اضافی ٹیکس بھی لگائے۔ جس کے بعد عوام پر آئے روز کبھی پٹرول کی قیمتوں تو کبھی اشیائے خورونوش کی قیمتوں میں اضافے کے بم گرتے رہتے ہیں۔
بڑھتی ہوئی مہنگائی کے دور میں وفاقی وزیر احسن اقبال خریداری کے لیے گئے اورانہوں نے سماجی رابطے کی ویب سائیٹ ٹوئیٹر پر ایک تصویر شیئر کی جس پرصارفین ان کو تنقید کا نشانہ بنا رہے ہیں۔
Grocery shopping time in Narowal. pic.twitter.com/9tYzEKs3hh
— Ahsan Iqbal (@betterpakistan) March 17, 2023
حسن کاظمی نامی صارف نے احسن اقبال سے سوال کیا کہ مہنگائی کا کچھ احساس ہوا جناب؟
مہنگائی کا کچھ احساس ہوا جناب
— Hasan Kazmi (@hasankazmi_) March 17, 2023
مہنگائی سے ستائے ایک ٹوئیٹر صارف نے حکومت کو شدید تنقید کا نشانہ بناتے ہوئے کہا کہ غریب کب ایسی فوٹو شیئرکرے گا؟ عوام آپ سے حساب لے گی۔
غریب کب ایسی فوٹو بنا کر شئیر کرے گا؟ یہ سب دکھانے سے پہلے غریب کا سوچ لیتے کہ کتنے لوگوں نے آج کھانا ہی نہیں کھایا ہو گا اور حکمران اپنی عیاشیوں میں مست۔ وقت قریب ہے عوام حساب لے گی آپ لوگوں سے۔
— Stranger (@StrangerExpose) March 18, 2023
کسی نے بڑھتی ہوئی مہنگائی پرحکومت کو تنقید کا نشانہ بنایا تو کسی نے توجہ رمضان کی جانب مبذول کرائی اور قیمتیں کم کرنے کی درخواست کی۔ علی نامی صارف کا کہنا تھا کہ رمضان میں تمام اشیاء پر بیس فیصد رعایت کریں۔
کتنی مہنگی ہو گئ جنرل آئٹمز ۔
کچھ محبت پیار کریں۔رمضان میں۔ساری جنرل آئٹمز بیس فیصد رعایت کر دیں پلیز@betterpakistan— علی❤️❤️❤️ (@SmartyAli13) March 17, 2023
مہنگائی کی نئی لہر کا شکار کچھ صارفین کو تحریک انصاف کی حکومت کی یاد ستانے لگی۔ ایک صارف نے قیمتوں کا موازنہ تحریک انصاف کی حکومت کے ساتھ کیا اور تنقید کرتے ہوئے کہا کہ اشیائے خورونوش کی قیمتوں کا موازنہ کر لیں کہ آج کیا ہیں اور ایک سال قبل کیا تھیں ۔
اشیاء خورد و نوش کی قیمتوں کا موازنہ کر لیں آج کیا ہیں اور ایک سال قبل کیا تھیں۔ اور اگر پھر بھی شرم نہ آئے تو تھوڑی اور ہمت کر کے اسے بھی تلاش کریں لیں اور خرید لیں۔ اس کے پیسے میں ادا کرونگا۔ اس لیے کہ آپ جتنا بھی سلجھے ھوئے ہوں، تعلق اسی ٹولے سے ہے۔
— Iqbal Hussain (@iqbhussain71) March 18, 2023
