تفتان سے کوئٹہ جانے والی مالبردار ٹرین چاغی کے قریب حادثے کا شکار ہوگئی، مالبردار ٹرین سرحدی شہر تفتان سے کوئٹہ جارہی تھی کہ 565 کلو میٹر پر حادثے کا شکار ہوئی۔
ریلوے ذرائع کے مطابق مالبردار ٹرین کی بوگیاں سیلفر سے بھری ہوئی تھیں، ٹرین کا انجن، ریسٹ وین، چکڑا سمیت متعدد بوگیاں متاثر ہوئی ہیں۔
ریلوے ذرائع دالبندین اسٹیشن کے مطابق جائے وقوعہ پر ریلوے عملہ کو روانہ کرچکے ہیں، تاہم ریلوے لائن کی بحالی تک پاک ایران ریلوے ٹریک بند رہے گا۔
ریلوے ذرائع کے مطابق گزشتہ رات نوشکی کے مقام پر بھی ٹریک کو نقصان پہنچا تھا، لیکن اس وقت تمام مال بردار ٹرینیں روک دی گئی ہیں۔