ایران کا اسرائیل پر حملہ مناسب جواب، مزاحمتی قوتیں آپریشن طوفان الاقصیٰ کی حمایت جاری رکھیں، حماس

فلسطین کی مزاحمتی تنظیم حماس کا ایران کے اسرائیل پر کیے گئے حملے پر ردعمل سامنے آیا ہے۔

حماس نے کہا ہے کہ ایران کا اسرائیل پر کیا گیا حملہ دمشق میں سفارتخانے کو نشانہ بنانے کا مناسب جواب ہے۔

بیان میں ایرانی حملے کو فطری حق قرار دیتے ہوئے کہا گیا ہے کہ ایران نے اسرائیل کو مناسب جواب دیدیا ہے۔

حماس نے اپیل کی ہے کہ عرب سمیت دیگر مسلمان اور خطے کی مزاحمتی قوتیں مسجد اقصیٰ کی آزادی کے لیے آپریشن طوفان الاقصیٰ کی حمایت جاری رکھیں۔

واضح رہے کہ ایران نے دمشق میں قونصل خانے پر کیے گئے حملے کا اسرائیل کو بھرپور جواب دیا ہے اور 300 کے قریب ڈرون اور میزائل فائر کیے ہیں۔

ادھر اسرائیل اور ایران میں بڑھتی کشیدگی پر دنیا بھر کے ممالک نے اپنی تشویش کا اظہار کیا ہے۔

امریکا نے اسرائیل کو باور کرایا ہے کہ ہم ایران کے خلاف کسی جارحانہ آپریشن کا حصہ نہیں بنیں گے۔ اس لیے کسی بھی کارروائی سے قبل واشنگٹن کو اعتماد میں لیا جائے۔