پہلی فلم بنانے کے لیے والد کی جائیداد بیچنے والا بالی وڈ اداکار

بالی وڈ کے اداکار رندیپ ہودا نے انکشاف کیا ہے کہ انہوں نے اپنی پہلی فلم بنانے کے لیے والد کی جائیداد تک فروخت کردی۔

بال وڈ اداکار نے حال ہی میں ایک انٹرویو دیا ہے جس میں اینکر کی جانب سے ان سے مختلف سوالات کیے گئے۔

رندیپ ہودا نے کہاکہ میں نے اپنی پہلی بائیوگرافیکل فلم ’سواتنترا ویر ساورکر‘ بنانے کے لیے والد کی جائیداد کو فروخت کردیا تھا۔

انہوں نے کہاکہ میرے والد کی ممبئی میں کچھ جائیداد تھی جس کو فروخت کرکے میں نے وہ رقم فلم پر لگادی۔

رندیپ ہودا نے مزید کہاکہ فلم کے کردار کے لیے وہ شدید ذہنی دباؤ کا شکار تھے، یہاں تک کہ نیند کی گولیاں بھی اثر کرنا چھوڑ گئی تھیں۔

انہں نے بتایا کہ بہت سے لوگوں نے انہیں یہ فلم بنانے سے منع کیا مگر وہ فیصلہ کرچکے تھے اور رسک لے لیا۔

یاد رہے کہ رندیپ ہوداد کی فلم’سواتنترا ویر ساورکر‘ 22 مارچ کو ریلیز ہوئی جس نے اب تک 13 کروڑ بھارتی روپے کا بزنس کرلیا ہے۔